Greqi, 7 shqiptarë kandidatë për deputetë

EPA/GEORGI LICOVSKI

Sot në Greqi po mbahen zgjedhjet parlamentare. Këto zgjedhje po konsiderohen si shumë të rëndësishme për komunitetin shqiptar atje, pasi është hera e parë që 7 shqiptarë janë kandidatë për deputetë.

Drejtues i shoqatës “Nëna Terezë”, Arjan Cara, tha për Euronews Albania se në rast se të gjithë do arrinin të fitonin, do të ishte një sukses i jashtëzakonshëm që do e bënte zërin e komunitetit shqiptar të dëgjohej më shumë në parlamentin grek, përcjell Albinfo.ch.

“Zëri jonë në parlament do jenë këta fëmijë të brezit të dytë. Unë u uroj suksese dhe nëse futen të 7 në parlament, do jetë një sukses i madh për komunitetin tonë  dhe besoj se zëri jonë do ndihet më fuqishëm në parlamentin grek”, tha Cara./Albinfo.ch/