Deputetët zviceranë votojnë kundër rritjes së pagave të tyre

Dhoma e Kantoneve ka vulosur me 29 vota qëndrimin kundër planeve për ngritje të pagave në fjalë. Pro rritjes kanë votuar 11 deputetë

Deputetët e Parlamentit të Zvicrës nuk do të kenë rritje pagash prej 2.5 për qind për përshtatjen me koston e jetesës, transmeton albinfo.ch. Kështu ka  vendosur sot Dhoma e Kantoneve (Dhoma e Vogël ose Senati).

Ai ka votuar  me 29 vota kundër ngritjes dhe vetëm 11 pro planeve për ngritje të pagave në fjalë. Me këtë, rritja e pagave të parlamentarëve është tashmë jashtë rendit të ditës, shkruan srf.ch.

Dhoma e Vogël me këtë votim ka hedhur poshtë një  propozim përkatës nga zyra e saj. Për herë të parë që nga viti 2012, kjo parashikonte kompensim të kostos së jetesës për anëtarët e Parlamentit dhe rritje të kontributeve të grupeve parlamentare, përcjell albinfo.ch.

Masa, sikur të votohej, do t’i kushtonte Qeverisë Federale 1.3 milionë CHF.

 

---