Mërgimtarit i digjet shtëpia në Kosovë

Është raportuar nga Policia e Kosovës se është djegur shtëpia e një mërgimtari, i cili gjendet jashtë vendit, përcjell albinfo.ch.

Në raportin 24 orësh të Policisë, thuhet se rasti ka ndodhur të martën, rreth orës 04:55, në Mitrovicë.

“Është raportuar se nga zjarri është djegur shtëpia pronë e viktimës mashkull kosovar, i cili gjendet jashtë vendit. Si pasojë e zjarrit janë shkaktuar dëme materiale”, thuhet në njoftim.

Bëhet e ditur se njësitë relevante të policisë dhe eksperti i zjarreve kanë dalë në vendin e ngjarjes dhe janë duke e hetuar rastin. “Lidhur me rastin është njoftuar prokurori, i cili e ka cilësuar rastin e lartcekur. Rasti është nën hetime”, thuhet në njoftim.