Një milion makina të reja në vendet e BE-së në qershor

17.8% më shumë se vjet

Një milion makina të reja, konkretisht 1.045.072 automjete janë regjistruar në vendet e BE-së në qershor, që është 17.8 për qind më shumë se qershorin e kaluar, njoftoi Shoqata e Prodhuesve Evropianë të Automobilave (ACEA).

Ky është muaji i 11-të radhazi i rritjes së numrit të makinave të reja të regjistruara në BE, shton ACEA.

Rritja nga viti në vit është shënuar në tregjet më të rëndësishme evropiane të makinave dhe është më e larta në Gjermani, 24,8 për qind, Spanjë 13,3 për qind, Francë 11,5 për qind dhe Itali 9,1 për qind.

Rritje nga viti në vit e numrit të makinave të regjistruara është shënuar në të gjitha vendet e BE-së, me përjashtim të Hungarisë, ku u vu re një rënie prej 1.4 për qind.

Në periudhën janar-qershor tregu i makinave në BE u rrit nga viti në vit me 17.9 për qind, pra me 5.4 milionë automjete.

---