Nga temperaturat ekstreme pasagjerët e një avioni u alivanosën

Ilustrim, Pixabay

Pasagjerët në bordin e një avioni që fluturonte nga Las Vegas për në Atlanta kanë përjetuar momente tmerri pasi humbën ndjenjat gjatë fluturimit për shkak të të nxehtit ekstrem.

Sipas mediave, u desh përdorimi i bombolave të oksigjenit për të përmirësuar gjendjen shëndetësore të udhëtarëve që ishin në bordin e fluturimit të Delta Air Lines në Aeroportin Ndërkombëtar Harry Reid, transmeton A2 përcjell albinfo.ch.

Gjithashtu, në fluturim ishte edhe producentja në terren e Fox News, Kirsta Garvin, e cila raportoi se kishte dëgjuar pilotin të njoftonte se do të anulohej nisja për shkak të urgjencave të shumta.

Situata thuhet se është përkeqësuar dhe stjuardesat janë parë duke vrapuar lart e poshtë në korridor me bombola oksigjeni teksa pasagjerët nisën të humbnin gjendjen.