Kuvendi i Kosovës hap dyert për diasporën

Nga ora 08:00 deri në orën 16:00 dyert e Kuvendit të Republikës së Kosovës janë të hapura për mërgimtarët.

Ata që duan ta bëjnë këtë, mund të shkojnë në Kuvend dhe të takohen me deputetët e të bisedojnë me ta.

“Të hënën dhe të martën, më 24 dhe 25 korrik 2023, Kuvendi i Republikës së Kosovës organizon aktivitetin tradicional “Bashkatdhetarët në Kuvend”. Të gjithë bashkatdhetarët, të cilët dëshirojnë ta vizitojnë Kuvendin e Kosovës dhe të takohen me deputetë, janë të mirëpritur nga ora 8:00 – 16:00”, thuhet në njoftimin e Kuvendit, përcjell albinfo.ch.

“Bashkatdhetarët në Kuvend” është aktivitet tashmë tradicional.