Kroacia dhe Bosnja rrezikohen nga përmbytjet

PGD Mengeš

Për shkak që reshjet e pandërprera të shiut shkaktuan përmbytje dhe rrëshqitje dheu, në Slloveni janë regjistruar tre viktima, ndërkohë në Austri është shpallur gjendje emergjente, ku qindra familje janë evakuuar.

Meteorologët thonë se reshjet e dendura të shiut do të zgjasin të paktën për 24 orët e ardhshme dhe pritet të përhapen në Kroacinë dhe Bosnjën fqinje më në jug, shkruan DW.

Më parë këtë verë, moti i ashpër dëmtoi shtëpitë, rrëzoi mijëra pemë dhe la një të vdekur në Slloveni dhe katër të tjerë gjetkë në rajon.

Kushtet ekstreme të motit janë shkaktuar pjesërisht nga ndikimi i ndryshimeve klimatike, thonë ekspertët, përcjell albinfo.ch.

Këtë verë, vendet evropiane si Greqia dhe Spanja kanë përjetuar temperatura rekord dhe zjarre shkatërruese.