11 mijë bileta të shitura për ndeshjen Kosovë-Zvicër

@FFK

Që nga ora 13:00 këtë të martë e deri në orën 18:00 janë shitur 11 mijë bileta për ndeshjen e futbollit, Kosovë – Zvicër.

Këtë e ka bërë të ditur gazetarja e sportit, Qeqa Krelani.

Ndeshja është e vlefshme për kualifikimet për në Kampionatin Evropian EURO 2024.

“Federata e Futbollit e Kosovës njofton opinionin se biletat për ndeshjen Kosovë – Zvicër, në kuadër të kualifikimeve për EURO 2024, e cila zhvillohet më datë 9 shtator 2023, në orën 20:45, në stadiumin “Fadil Vokrri”, dalin në shitje sot në orën 13:00”, njofton FFK.

Biletat do të jenë në shitje në pesë sektore, Veri dhe Jug që kushtojnë 5 euro, në Lindje 10 euro, në Perëndim 20 euro dhe bileta më e shtrenjtë është ajo VIP që shitet 80 euro, përcjell albinfo.ch.