Austri, ambasadori uron nxënësit për nisjen e mësimit të gjuhës shqipe

Ambasadori i Republikës së Kosovës në Vjenë, Lulzim Pllana, uron fillimin e vitit shkollor

Jemi në fillim të shtatorit, muaji kur nxënësit e diasporës filojnë mësimin. Me rastin e fillimit të vitit të ri shkollor në Austri, Ambasadori i Republikës së Kosovës në Vjenë, Lulzim Pllana, priti në takim kryetaren e SHMSH “Naim Frashëri” në Austri, Antigonë Elshani dhe mësuesit e tjerë, shkruan albinfo.at.

Në këtë takim, mësuesit njoftuan me punën e tyre për mësimin e gjuhës shqipe për nxënësit shqiptarë, numrin e tyre që vijojnë mësimin e gjuhës shqipe, rezultatet, sfidat, si dhe aspekte të tjera të përgjithshme të punës së tyre.

Duke uruar një fillimvit të mbarë shkollor për nxënësit dhe mësuesit, Ambasadori Pllana, theksoi se mësimi i gjuhës shqipe duhet të jetë një prioritet i lartë dhe i falënderoi mësuesit për kontributin e tyre. Po ashtu u diskutuan edhe projektet e ardhshme të bashkëpunimit në mes të Ambasadës së RKS në Vjenë dhe SHMSH “Naim Frashëri” në Austri.

 

 

---