Policia Kufitare e Vlorës shpëton turistin zviceran

Zenith Travel, Facebook

Një turist zviceran kishte mbetur i bllokuar në gjirin e Shën Andreas pasi kishte humbur orientimin duke eksploruar në këmbë.

Ai është shpëtuar nga Policia Kufitare e Vlorës.

Menjëherë pas marrjes së njoftimit, shërbimet e Policisë Kufitare kanë organizuar punën për t’i shkuar në ndihmë turistit. Ato kanë bërë të mundur lokalizimin dhe më pas shoqërimin e turistit nga Zvicra, në Dhërmi, me mjetin e Policisë Kufitare, shkruan Top Channel.

Turisti, i cili është në gjendje të mirë shëndetësore, ka falënderuar shërbimet e Policisë Kufitare, për reagimin e menjëhershëm dhe profesionalizmin e treguar gjatë ofrimit të ndihmës.

“Policia Kufitare e Vlorës vijon të jetë maksimalisht e angazhuar për të garantuar sigurinë e turistëve dhe vizitorëve që zgjedhin vendin tonë, gjatë gjithë vitit“- thuhet në njoftim, përcjell albinfo.ch.