Aargau: Zbritje për pronarët e shtëpive në faturat e sigurimit nga zjarri dhe rreziqet natyrore

(KEYSTONE/Alessandro Della Bella)

Në kantonin e Aargau pronarët e shtëpive do të marrin një zbritje prej 50 për qind në faturat e tyre të sigurimit nga zjarri dhe rreziqet natyrore për vitin 2024.

Aargauische Building Insurance, AGV ka justifikuar zbritjen prej 45 milionë frangash me kapitalizimin solid të kapitalit, shkruan swissinfo.

Sipas njoftimit, parashikimet për vitin aktual financiar duken mirë, prandaj zbritja premium për të gjithë pronarët e shtëpive është “e justifikuar”.

Dëmet nga zjarri dhe nga rreziqet natyrore janë dukshëm nën mesatare krahasuar me vitet e mëparshme, teksa të ardhurat nga investimet gjithashtu janë zhvilluar pozitivisht, pavarësisht pasigurive në tregjet financiare, përcjell albinfo.ch.

Sipas informacioneve të AGV, pritet një rezultat operativ dukshëm më i mirë se sa ishte buxhetuar.

Ndryshe, AGV ekziston që nga viti 1805 dhe është një kompani e pavarur publike që siguron rreth 227,000 ndërtesa në kanton. Për vitin 2022, AGV paraqiti rezultatin e saj më të keq deri më sot: një deficit prej 81.5 milionë frangash. Arsyeja e dhënë ishte humbja e çmimeve në investime kapitale.