Getta Beqa, edhe një herë kampione botërore

Komiteti Olimpik Kombetar Shqiptar (KOKSH), FB

Gentiana Beqa (Getta Beqa) është rikonfirmuar edhe një herë si kampione. Ajo ka dalë e para edhe në kampionatin botëror për Wellnes në Spanjë.

“Shqipëria e përmbyll me fitore pjesëmarrjen në Kampionatin Botëror të Bodybuilding-ut në Spanjë. Kampionia Gentiana Beqa u konfirmua si më e mira në kategorinë “Women’s Wellness -163cm”, shkruan Komiteti Olimpik Kombëtar Shqiptar.

Ndërkohë Getta që përfaqëson Shqipërinë në këto gara shprehet e lumtur për suksesin.

“Vjen një moment ku sakrifica dhe disiplina gërshetohen me njëra-tjetrën dhe i thua vetes: “Gjithçka ia vlejti”, kur e mban trofeun e arte në duart e tua. Të lumtur ishim të gjithë sot duke kënduar himnin tonë. ‘Rreth flamurit të përbashkuar me një dëshirë dhe një qëllim’. Fitoreeeeeee, Falënderim për gjithë Shqiptarët e Shqiptarinë! Dua të falënderoj Federatën Shqiptare te Bodybuilding dhe Fitnesit. Falënderoj shtëpinë e madhe të sportit @olympicalbania, falënderoj Ministrinë e Arsimit dhe Sportit. Falënderoj familjen time”, ka shkruar Getta, përcjell albinfo.ch.