Mira Murati merr pozitën e shefes ekzekutive të përkohshme në OpenAI

Keystone (OpenAI via AP)

Sam Altman, një nga figurat më të shquara në botën e inteligjencës artificiale, po largohet nga OpenAI, pasi bordi i kompanisë ka thënë se ai nuk ishte gjithmonë “i sinqertë” dhe se kishte humbur besimin tek ai si lider.

CTO Mira Murati do të shërbejë si shefe ekzekutive e përkohshme e OpenAI.

” Largimi i Altman pason një proces shqyrtimi konsultativ nga bordi, i cili arriti në përfundimin se ai nuk ishte vazhdimisht i sinqertë në komunikimet e tij me bordin, duke penguar aftësinë e tij për të ushtruar përgjegjësitë e tij”, tha kompania në një deklaratë.

“Bordi nuk ka më besim në aftësinë e tij për të vazhduar udhëheqjen e OpenAI”, u tha në deklaratë, shkruan Bloombergbussines, përcjell albinfo.ch.