UEFA nuk pranon që ndeshja Ballkani – Viktoria Plzen të luhet në “Fadil Vokrri”, e zhvendos në “Air Albania”

Ilustrim

Shtëpia e futbollit, UEFA, ka njoftuar se ndeshja e radhës Ballkani – Viktoria Plzen, nuk do të luhet në stadiumin “Fadil Vokrri” në Prishtinë, por në “Air Albania”.

Sipas njoftimit nga UEFA, ndeshja nuk do të luhet në “Fadil Vokrri”, si shkak i kushteve të përkeqësuara të fushës pas ndeshjeve të fundit, përcjell albinfo.ch.

“Për shkak të kushteve të përkeqësuara të fushës pas ndeshjeve të fundit, ndeshja e ardhshme e fazës së grupeve të Conference League ndërmjet Ballkanit dhe Viktoria Plzen është zhvendosur nga stadium ‘Fadil Vokrri’ në Prishtinë, në stadiumin ‘Air Albania’ në Tiranë”, thuhet në njoftim.

Ndeshja do të luhet më 30 nëntor nga ora 18:45 dhe është hera e parë që ekipi nga Suhareka nuk do të zhvillojë një ndeshje ndërkombëtare në Kosovë.