Kosovë: ‘A patët fytyrë me vra një jetim’, moto e protestës në Podujevë

Qytetarë të shumtë marshuan në komunën e Podujevës në shenjë revolte për vrasjen e ditëve më parë të 18-vjeçarit nga kjo komunë. Marshi nisi nga vendi ku fillimisht u rrah për vdekje 18-vjeçari Lulzim Fejzullahu, e i cili ndërroi jetë më pas në spital.

“Në të rinj të rinisë nuk munda me i duru ato dhimbje të trupit temë, kam mbete shtrirë këtu dhe askush me më zgjuar nuk po vjen. Kam me i tregu Zotit, nënë, krejt çka më kanë bërë, familjarë, të mos marrin hak se Zotit po ia lë. Mos ma rëndoni varrin, inshaAllah bëni gajret e ka kush ua hjek mallin, kam pasur shumë mërzi, po nuk kam dashtë me ma marr jetën. Nënë, a po e sheh prej lart sa shumë lot për mua po derdhën, me shumë dhimbje po shkoj, po shkoj te Zoti im, po shkoj aty ku shprehna, ku shpirti rehat më flenë, se shenja nuk kam vetëm kryt më është rënuar, kaq të forta paskan qenë dhimbjet sa nuk kam mundur t`i duroj”, tha në një fjalim nipi i të ndjerit.