Pas zjarrit, rifillon trafiku hekurudhor në tunelin Gotthard

(KEYSTONE/Urs Flueeler)

Trenat e mallrave kanë qarkulluar sërish në tunelin e bazës Gotthard të Zvicrës që nga ora 14:00 e së hënës. Trafiku hekurudhor ishte pezulluar për gjashtë orë, pasi një automjet mori flakë herët në mëngjes pranë daljes së tunelit në jug të Zvicrës, transmeton albinfo.ch.

Radioja publike zvicerane, SRF, raportoi të hënën se një automjet që i përkiste një firme sigurie kishte marrë flakë rreth orës 8:20 të mëngjesit në fund të daljes së tunelit pranë Faido në kantonin Ticino.

Në total, 29 punëtorë u evakuuan në një tren shpëtimi.

Policia kantonale e Ticinos ka njoftuar se dhjetë prej tyre u desh të dërgoheshin në spital pasi kishin thithur tym.

Që prej daljes nga shinat e trenit të mallrave brenda tunelit të bazës Gotthard më 10 gusht 2023, qasja në tunel është kufizuar.

Në mënyrë tipike, nga e premtja deri të dielën në mbrëmje, vetëm rreth 30 trena udhëtojnë nëpër tunel, teksa trenat e pasagjerëve nuk u prekën nga incidenti i sotëm, pasi gjatë javës kalojnë përmes një rruge më të gjatë hekurudhore Gotthard deri në shtator 2024.