Direktiva të reja, policia në Cyrih duhet të deklarojë kombësinë në raporte

@pixabay

Prokuroria publike i ka dhënë fund mosmarrëveshjes mes qytetit të Cyrihut dhe kantonit. Në të ardhmen, origjina duhet të përmendet në raportet e policisë, shkruan 20minuten.

Mosmarrëveshja njëvjeçare midis qytetit të Cyrihut dhe kantonit për emërtimin e kombësive në raportet e policisë ka marrë fund për momentin dhe këtë e ka vendosur prokuroria publike duke i përshtatur udhëzimet e saj. Rregulli që origjina e të përfshirëve duhet të përmendet në raportet e policisë vlen edhe për policinë e qytetit të Cyrihut, transmeton albinfo.ch.

Nën presionin e këshillit lokal, policia e qytetit të Cyrihut ndaloi publikimin e kombësisë së autorëve të dyshuar në njoftimet e tyre në media në vitin 2017. SVP ndërmori veprime kundër praktikës së re në nivel kantonal – me sukses.

Në mars të vitit 2021, u miratua një kundërpropozim për një iniciative të SVP, e cila do të sanksiononte ligjërisht emërtimin e kombësive të autorëve. Megjithatë, Gjykata Federale vendosi në tetor të vitit 2022 se ligji kantonal zbatohet vetëm për personat e zhdukur dhe viktimat e aksidenteve, por jo për autorët.