Coop dëshiron të importojë fruta dhe perime nga Shqipëria

pixabay

Coop dëshiron të importojë fruta dhe perime nga Shqipëria në pranverë dhe arsyeja për këtë është se konsumi i ujit po bëhet problem për Spanjën, transmeton albinfo.ch.

Shitësi me pakicë Coop i ka vënë sytë Shqipërisë si një vend importues për perime dhe fruta. Shefi i Coop Philipp Wyss dëshiron të lidhë kontratat përkatëse me prodhuesit shqiptarë të perimeve në pranverë, transmeton albinfo.ch.

Domatet, kastravecat, kungull i njomë, luleshtrydhet dhe mandarinat shqiptare do të plotësojnë produktet nga Spanja në të ardhmen, ka thënë ai në një intervistë për Tamedia.

Konsumi i madh i ujit është një problem i madh për Spanjën dhe kjo është arsyeja pse shitësit po kërkojnë alternativa. Greqia ose Rumania gjithashtu mund të konsiderohen. Një e treta e tokës bujqësore të Rumanisë është djerr.

“Megjithatë, për arsye historike është e vështirë të merren pjesë më të mëdha toke,” tha Wyss.

Lëndët e para si kakao vijnë edhe nga prodhimi i huaj.

“Për shkak të çmimeve shumë të larta të kakaos dhe sheqerit, ne do të rrisim disa çmime për produktet që përmbajnë këto lëndë të para”, ka thënë ai teksa negociatat me furnitorët rreth kërkesave të tyre për çmime janë duke u zhvilluar aktualisht.