Edhe një lojtar shqiptar i bashkohet Maqedonisë së Veriut

Mësohet se kombëtaret gjatë këtij muaji do të luajnë disa ndeshje miqësore.

Maqedonia e Veriut do të startojë me Moldavinë më 22 mars dhe 3 ditë më vonë me Malin e Zi. Bllagoja Milevski ka publikuar listën e lojtarëve që do të ketë në dispozicion.

Risi në listën e të grumbulluarve është edhe një lojtar shqiptar. Bëhet fjalë për Lirim Qamilin, i cili për herë të parë është ftuar nga kombëtarja maqedonase dhe tashmë do t’i përfaqësojë në arenën ndërkombëtare.

Lirim Qamili

25-vjeçari në të kalaurën ka mbajtur veshur fanelën e kombëtares shqiptare, teksa ka qenë pjesë e Shpresave U-21. Siç duket Qamili ka vendosur të përfaqësojë Maqedoninë dhe tashmë së bashku me të shkon në 6-të numrin i lojtarëve me origjinë shqiptare.  Enis Bardhi, Ezgjan Alioski, Visar Musliu, Agon Elezi dhe Erdon Daci janë futbollistët e tjerë që mbajnë veshur fanelën e Maqedonisë.