Aeroporti i Prishtinës më i miri në performancë

Kompania “Austrian Airlines” e ka shpallur Aeroportin e Prishtinës, stacionin më të mirë ajror për shërbimet e ofruara në pritje dhe përcjellje të udhëtarëve

Foto ilustrim

Kompania prestigjioze ajrore “Austrian Airlines” e ka zgjidhur Aeroportin Ndërkombëtar “Adem Jashari” në Prishtinë, si stacionin më të mirë ajror për shërbimet e ofruara në pritje dhe përcjellje të udhëtarëve (ground handling) gjatë muajit dhjetor 2014.

“Austrian Airlines” e cila është një ndër kompanitë më të rëndësishme botërore dhe operon në pothuajse të gjitha aeroportet më të mëdha botërore, e konsideron të shkëlqyeshme performancën tek Aeroporti i Prishtinës Adem Jashari.

Një vlerësim i veçantë nga kjo kompani bëhet specifikisht në tri pika kyçe që janë edhe një ndër targetet e operimeve të aeroportit. Ky shërbim sipas “Austrian Airlines”, është vlerësuar për: shërbimet ndaj klientëve; performancë në kohë, si dhe; efikasitet në operime.

Gjatë vitit të kaluar, Aeroporti i Prishtinës kishte marrë certifikatë edhe nga kompania ajrore “EasyJet” për Performancë në Kohë.

Ndryshe brenda një viti nëpër Aeroportin e Prishtinës kalojmë më shumë se 1.6 milionë pasagjerë. Ndërsa e meta e veçantë e këtij aeroporti është se nuk ka linja të rregullta të transportit që lidh aeroportin me kryeqytetin e Kosovës, Prishtinën. Për këtë çështje ka raportuar edhe “Albinfo.Ch”.