Zgjedhjet ishin korrekte, para mesnatës priten rezultatet

KSHZ njoftoi se dalja në zgjedhjet presidenciale deri në orën 18:30 ka qenë 46.31 për qind

KSHZ në konferencën e fundit për media ka njoftuar për daljen në votime në zgjedhjet e dyfishta që u mbajtën sot në Maqedoninë Veriore.

KSHZ njoftoi se dalja në zgjedhjet presidenciale deri në orën 18:30 ka qenë 46.31 për qind, transmeton albinfo.ch.

Ndërsa për zgjedhjet kuvendare, dalja deri në ora 18:30 ka qenë 53.30 për qind. Dalja më e madhe për zgjedhje ka qenë në Novaci, ndërsa dalja më e ulët është në Qendër Zhupë.

Ditmire Shehu nga KSHZ tha se ky organ edhe një herë e dëshmoi se mund të organizojë zgjedhje korrekte dhe demokratike, ndërsa i falënderoi edhe institucionet e tjera përgjegjëse për organizimin e zgjedhjeve.

Ajo gjithashtu theksoi se rezultatet e para për zgjedhjet e sotme pritet të shpallen rreth orës 23:30.

 

---