159 refugjatë kosovarë ndalohen në kufirin Serbi-Hungari

Ditëve të fundit refugjatët kosovarë që duan të kalojnë kufirin në mes të Serbisë dhe Hungarisë kanë filluar të ndalohen nga policia serbe. Kështu, siç ka njoftuar Ministria e Punëve të Brendshme të Serbisë, policia kufitare serbe në 24 orët e fundit ka parandaluar 159 kosovarë që të hyjnë në Hungari, raporton Tanjug, transmeton Indeksonline.

Kundër tre personave është ngritur kallëzim penal, ndërsa kundër 127 personave kundërvajtje (dënim me pagesë), derisa përkohësisht janë ndaluar nëntë vetura.

Në dy ditët e fundit janë arrestuar 290 kosovarë, të cilët kanë tentuar që ilegalisht të kalojnë nga Serbia në Hungari