Të dënuarit e “Monstra-s” nuk janë vrasës

Aktivistja maqedonase e organizatës “Udar”, Meri Nikolova thotë se gjashtë shqiptarët e dënuar në rastin “Monstra” nuk janë vrasës. Ajo thotë se ka ardhur koha për t’u kthjellur

Aktivistja e organizatës qytetare “Udar” (Goditja), Meri Nikolova i drejtohet kryeministri Nikoll Gruevski, duke ia rikujtuar se gjashtë shqiptarët e dënuar në rastin “Monstra” nuk janë vrasës. Nëpërmes profilit të saj në facebook, ajo ka shkruar se nuk janë vrasësit e pesë viktimave në Smilkovc ata që i akuzuan.

“Në lutjet tuaja kujtoni gjithmonë fëmijët e Liqenit të Smilkovcës, për shkak se nuk janë vrasës ata që i akuzuan. Grujo, koha është që të mësohet e vërtet”, shkruan Nikolovanç deklaratën e saj, që tashmë njihet si “deklarata bombë”.

Ndryshe, gjashtë shqiptarë nga Republika e Maqedonisë, në rastin e njohur si “Monostra” janë dënuar me burg të përjetshëm. Ata dyshohet se kanë marrë pjesë në vrasjen e katër të rinjve dhe një peshkatari të moshuar të komunitetit maqedonas në bregun e liqenit Smilkovc afër Shkupit.

Kundër këtij vendimi kanë reaguar të gjitha organizatat shqiptare, ndërsa janë organizuar dhjetëra demonstrata në Shkup dhe vendet tjera të Maqedonisë.