Zvicra pritet ta bëjë përndjekjen për “vepër të veçantë penale”

(KESTONE/Christof Schuerpf)

Dhoma e Përfaqësuesve e Zvicrës votoi në favor të ndryshimit të ligjit për ta bërë përndjekjen një vepre të veçantë penale.

Qëllimi i projektligjit, i cili u miratua me 151 vota, kundër 29 dhe nëntë abstenime, është të mbrojë më mirë viktimat e përndjekjes teksa tani do të shkojë në Senat, transmeton albinfo.ch.

Një dekret për veprën e re të përndjekjes është hartuar nga Komisioni i çështjeve ligjore. Sipas draftit, kushdo që ndjek me këmbëngulje, ngacmon ose kërcënon dikë dhe në këtë mënyrë i kufizon lirinë për të jetuar jetën e tij, mund të dënohet me një dënim deri në tre vjet burgim ose me gjobë.

Një mocion nga radhët e Partisë Popullore Zvicerane të krahut të djathtë për të mos votuar pro projektligjit nuk mori shumicën, raporton swissinfo.