Tony Blair e Edi Rama nesër për vizitë në Kosovë, në shënimin e 25-vjetorit të çlirimit të Kosovës

@unsplash

Ish-kryeministri i Britanisë së Madhe, Tony Blair dhe kryeministri i Shqipërisë Edi Rama nesër do të qëndrojnë për vizitë në Prishtinë, në ditën kur shënohet 25 vjetori i çlirimit të Kosovës.

Blair do t’u adresohet deputetëve të Kosovës me një fjalim, me fillim nga ora 10:00, teksa nga ora 12:30, do të pritet në takim nga kryetari i Prishtinës, Përparim Rama, transmeton albinfo.ch.

Në këtë takim, i cili do të mbahet në objektin e ndërtesës së vjetër të Komunës së Prishtinës, ish-kryeministri britanik do të nderohet Çelësin e Qytetit dhe me titullin Qytetar Nderi i Kryeqytetit.

Çmimi Çelësi i Qytetit do t’i dhurohet edhe kryeministrit të Shqipërisë Edi Rama gjatë takimit me Përparim Ramën nga ora 16:00.