Presidentja e Kosovës takohet me këshilltarin për Siguri Kombëtare të Presidentit Biden

Foto FB: Vjosa Osmani

Presidentja e Kosovës, Vjosa Osmani është takuar me Jake Sullivan, këshilltari për Siguri Kombëtare i Presidentit të SHBA-së, Joe Biden dhe Ambasadorin Michael Carpenter, i cili është Drejtor i Lartë për Evropë në Këshillin për Siguri të Shtëpisë së Bardhë.

Përmes një postimi në rrjetin social “Facebook”, ajo ka bërë të ditur se me dy zyrtarët amerikanë biseduan mbi rolin jetik të Shteteve të Bashkuara të Amerikës për paqe dhe siguri të qëndrueshme si dhe për rëndësinë e rritjes së bashkëpunimit.

“Një takim i rëndësishëm me Këshilltarin për Siguri Kombëtare të Presidentit Biden, z. Jake Sullivan, dhe Ambasadorin Michael Carpenter- Drejtor i Lartë për Evropë në Këshillin për Siguri të Shtëpisë së Bardhë, mbi rolin jetik të Shteteve të Bashkuara për paqe dhe siguri të qëndrueshme si dhe për rëndësinë e rritjes së bashkëpunimit tonë”, ka shkruar ajo, transmeton albinfo.ch.