Zvicër: Përmbledhje e lajmeve më të fundit të së hënës

Posta Zvicerane planifikon të shkurtojë shërbimet e saj të dërgesave; Këshilli Federal refuzon fonde shtesë për kujdesin ndaj fëmijëve; dhe lajme të tjera në këtë përmbledhje të së hënës.

Dorëzimi i postës është vendosur të bëhet më i rrallë në Zvicër

Shërbimi postar siç e njohim ne sot, për shembull, shpërndarja e letrave “përparësi” me vulën “A” të nesërmen, mund të jetë së shpejti një gjë e së kaluarës.

Sipas një projekti të ri për rishikimin e urdhëresës postare, të paraqitur për konsultim nga Këshilli Federal, “Postës Zvicerane do t’i kërkohet të dorëzojë të paktën 90 për qind të letrave dhe paketave në kohë, krahasuar me 97 dhe 95 për qind, aktualisht”, tha Këshilli Federal.

Si rezultat i kësaj mase të re, që do të hyjë në fuqi në vitin 2026, do të bëhen më pak dërgesa në kohë, veçanërisht në zonat me popullsi të rrallë.

Këshilli Federal hedh poshtë idenë e financimit publik për kujdesin ndaj fëmijëve

Nisma, e nxitur nga Social Demokratët, Të Gjelbrit dhe grupe të tjera, kërkon të sigurojë që prindërit të mos shpenzojnë më shumë se 10 për qind të të ardhurave të tyre për shërbimet e kujdesit ditor, me shumicën e tarifave të paguara nga qeveria.

Këshilli Federal, megjithatë, e hodhi poshtë këtë propozim, duke argumentuar se masa “do të rezultonte në kosto shtesë prej disa miliardë frangash të përballuara nga qeveria – shpenzime që janë “të paqëndrueshme” në funksion të deficiteve buxhetore, transmeton albinfo.ch.

Megjithatë, qeveria pranoi se “kujdesi jashtë familjes për fëmijët duhet të inkurajohet dhe autoritetet publike duhet të ulin më tej barrën financiare të prindërve”.

Kjo mund të arrihet përmes një propozimi që po debatohet tani në Parlament, i cili do të siguronte një shtesë familjare për kujdesin e fëmijëve, theksoi Këshilli Federal.

Lozana është “kryeqyteti zviceran” për konsum të drogës

Ky nuk është sigurisht reputacioni që dëshiron të ketë kryeqyteti i Vaud-it, por analizat më të fundit të ujërave të zeza tregojnë se konsumi i kokainës dhe forma shumë e varur, crack-i po rritet në Zvicër dhe pikërisht në Lozanë kjo drogë është më e popullarizuara.

Bazuar në këto gjetje, Lozana ka ‘nderin’ e padëshiruar të jetë në vendin e parë, së bashku me kryeqytetin e Graubünden, Chur.

Më pas janë Schwyz, Cyrihu dhe Berna. Megjithëse të dhënat e konsumit janë një vlerësim, autoritetet thonë se droga “nuk ka qenë kurrë më e përhapur dhe më e lirë” në qytetet zvicerane.

Katër britanikë janë arrestuar për shpejtësi në Zvicër

Policia kantonale e Cyrihut ndaloi katër shtetas të Mbretërisë së Bashkuar që po ngisnin me katër makinat e tyre sportive me mbi 200 km/h në autostradën A1 në drejtim të Bernës — 80 km/h mbi kufirin e vendosur të shpejtësisë.

Burrat, të moshës nga 25 deri në 50 vjeç, u arrestuan dhe automjetet e tyre u konfiskuan.

Ata tani janë në pritje të dënimit./thelocal

---