Wasley Clark pranon dekoratën “Ibrahim Rugova” nga LDK

Wasley Clark pranon dekoratën “Ibrahim Rugova” nga LDK

Gjenerali amerikan Wesley Clark ka pranuar dekoratën “Ibrahim Rugova”, nga kryetari i LDK-së, Lumir Abdixhiku për rolin dhe kontributin e tij për çlirimin e Kosovës.

Abdixhiku ka falënderuar Clark për kontributin e tij të dhënë gjatë luftës së fundit në Kosovë.

“Prania juaj sot këtu është një dëshmi e thellë e lidhjeve të qëndrueshme të miqësisë dhe solidaritetit që keni përfaqësuar përmes shërbimit tuaj të jashtëzakonshëm dhe mbështetjes themelore për popullin e Kosovës. Gjeneral Clark, emri juaj është i gdhendur në themelet e historisë së Kosovës si simbol i guximit, lidershipit dhe i një përkushtimi të palëkundur për drejtësi dhe paqe. Zoti ju bekoftë juve dhe popullin e Amerikës”, tha ai.

Ndërkaq Clark gjatë fjalës së tij tha se populli i Kosovës ka kaluar një periudhë të vështirë gjatë luftës së fundit.

“Faleminderit shumë Lidhja Demokratike e Kosovës, sa herë që kthehem këtu, befasohem me progresin që është bërë”, tha gjenerali Clark.

Clark u mirëprit nga Abdixhiku në Selinë Qendrore të Lidhjes Demokratike të Kosovës.

Wesley Clark shërbeu si Komandant Suprem i Aleatëve në Evropë i NATO-s nga viti 1997 deri në vitin 2000, duke komanduar Operacionin e Forcave Aleate gjatë luftës në Kosovë.