Reshjet e shiut në Prishtinë kanë përfshirë edhe QKUK-në

Shërbimi Spitalor Klinik Universitar i Kosovës ka njoftuar se reshjet e dendura të shiut që kanë rënë orët e pasditës së sotme në Prishtinë kanë përfshirë edhe QKUK-në.

Sipas njoftimit, si pasojë e intensitetit të lartë të reshjeve, rrjeti i përpunimit të kanalizimit nuk ka arritur të përballojë sasinë e ujit.

“Ekipet teknike të QKUK-së, janë në gjendje gatishmërie, deri më tani uji ka depërtuar në bodrumin e Klinikë së Pulmologjisë, ku fatmirësisht nuk ka pasur aparatura mjekësore. Ekipet e QKUK-së, bashkë me ato të klinikave tjera janë në vendngjarje dhe deri më tani nuk është konstatuar nëse ka pasur dëme. QKUK, ditëve në vijim do të ju mbajë të informuar saktësisht, lidhur me pasojat e shkaktuara nga reshjet e dendura të shiut”, thuhet në njoftim, transmeton albinfo.ch.