Osmani shprehet krenare për pjesëtarët e FSK-së

Vjosa Osmani, FB

Presidentja e Kosovës, Vjosa Osmani, ka shkruar se është krenare me arritjet e pjesëtarëve të Forcës së Sigurisë së Kosovës.

Në një postim në rrjetet sociale, ajo ka lavdëruar arritjet e tyre në qendrat profesionale ushtarake të Amerikës.

“Përgjatë javëve të fundit, vajzat dhe djemtë e Forcës sonë të Sigurisë dëshmuan përkushtim dhe rezultate të jashtëzakonshme në akademitë, kolegjet dhe qendrat profesionale ushtarake amerikane më prestigjoze në botë. Krenarë me Agron Muratin, Alban Bujupin, Alban Bunjakun, Albert Kuçin, Albin Bytyçin, Andrin Vuthaj, Arbnor Haxhanin, Shpresa Gashin, Vesa Ibrahimin dhe shumë e shumë të reja e të rinj, të cilët personifikojnë të ardhmen e FSK-së”, ka shkruar Osmani.