Zvicra harton një strategji të re për azilin

Qeveria federale, kantonet dhe komunat zvicerane po hartojnë një strategji të re për azilin. Një komitet i azilit i ngritur për këtë qëllim përcaktoi gjashtë fusha veprimi.

Siç njoftoi të premten Sekretariati Shtetëror për Migracionin (SEM), këto përfshijnë komunikimin në fushën e azilit, kthimin e refugjatëve në vendet e tyre të origjinës dhe përmirësimin e qëndrueshmërisë së sistemit zviceran të azilit.

Sipas njoftimit për shtyp, ristrukturimi i sistemit të azilit në thelb ka rezultuar i suksesshëm që kur ligji i rishikuar i azilit hyri në fuqi më 1 mars të vitit 2019, transmeton albinfo.ch. Megjithatë, strategjia e azilit duhet të rishikohet në dritën e numrit të vazhdueshëm të lartë të kërkesave për azil dhe të rregullohet nëse është e nevojshme, shkruan swissinfo.

Komiteti i azilit kryesohet nga Christine Schraner Burgener, Sekretarja e Shtetit për Migracionin dhe Christoph Amstad, zëvendëspresident i Konferencës së Drejtorëve Kantonalë të Çështjeve Sociale (SODK).