Shqipëri, Banka Botërore investon 1.1 miliard dollarë

Përfaqësuesit e Bankës Botërore paraqiten programin 5-vjeçar të bashkëpunimit me Shqipërinë, i cili kësaj here shënon nivel rekord të financimit prej 1.1 miliard dollarë

Banka Botërore ka planifikuar t’i investoj 1.1 miliard dollarë në Shqipëri, gjatë pesë vjetëve të ardhshme. Kështu deklaruar përfaqësuesit e BB-së para Komisionit Parlamentar të Ekonomisë në Tiranë, ku paraqiten programin 5-vjeçar të bashkëpunimit me Shqipërinë, i cili kësaj here shënon nivel rekord të financimit.

“Po shikojmë një program me angazhime të reja financiare prej mbi 200 milionë dollarësh në vit. Pra në total bëhet fjalë për 1.1 miliardë dollarë për pesë vitet e ardhshme. Do te financojmë mesatarisht 3 projekte të reja në vit, të cilat përfshijnë mbështetje buxhetore për sektorin makroenomik dhe atë financiar si dhe në projektet e klimës së biznesit”, thotë Tahseen Sayed, shefe e BB në Tiranë.

Sipas Bankës do të jenë rreth 15 projekte që do të financohen deri në vitin 2019, të përqendruara në sektorë të ndryshëm për të mbështetur rritjen ekonomike.

Drejtuesja e Bankës iu përgjigj një liste të gjatë me pyetje nga deputetët për programin e ri. Por çështja më e nxehtë ishte ajo e financimit të reformës në sektorin energjetik, raporton TCH.

“Ne mbështesim plotësisht reformën që Qeveria po zbaton në fushën e energjisë për të rimëkëmbur sektorin, i cili është në një krizë të thellë shumëplanëshe” tha Tahseen Sayed.

Banka Botërore është donatori më i madh në Shqipëri, me një total disbursimesh prej mbi 1.4 miliardë dollarësh.