Flamuri më i madh zviceran në botë, u shfaq në Säntis

(KEYSTONE/Ennio Leanza)

Flamuri më i madh zviceran në botë u shpalos sërish në malin Säntis, një ditë para festës kombëtare. Vitin e kaluar ngjarja u shty për shkak të motit të paqëndrueshëm dhe erërave të forta, shkruan albinfo.ch.

Të mërkurën punëtorët në lartësi vendosën flamurin 80 x 80 metra në faqen veriore të malit ikonik të Zvicrës Lindore, nën qiellin e pastër veror. Ata zbritën poshtë faqes së shkëmbit për të shpalosur flamurin, siç raportohet nga agjencia e lajmeve Keystone-SDA.

Kjo traditë zhvillohet gjithmonë në festën kombëtare. Kur moti është i mirë, flamuri është i dukshëm jo vetëm nga Schwägalp, por edhe nga pjesa më e madhe e Zvicrës lindore.

Për herë të parë flamuri i madh zviceran u shfaq në Säntis më 31 korrik 2009.