Fanella e Xherdan Shaqirit, më e shitura te Bazeli

Fanella e tij me numrin 10-të del të jetë më e shitura

Mediumi i njohur zviceran Blick, ka shkruar për rikthimin e Xherdan Shaqirit te FC Basel dhe pritjen që i është bërë nga tifozët e klubit.

“A është ai shpëtimtari? A është ai shpëtimtari që do të sjellë momente të lavdishme në FCB? Kjo mbetet për t’u parë. Por shpresat qëndrojnë tek Xherdan Shaqiri (32). I madh”, shkruan fillimisht Blick.

Se sa i madh është Xherdan Shaqiri, kjo ishte e dukshme të hënën në mbrëmje, kur ish-ylli i Zvicrës me 125 ndeshje – tre ditë pas zyrtarizimit të transferimit – u mirëprit nga mijëra tifozë të Baselit rreth stadiumit të klubit. Ai i përshëndeti me dorë tifozëve si një mbret nga ballkoni i zyrave të FCB.

“Është gjithmonë mirë të jesh në shtëpi. Ka pasur gjithmonë vetëm një opsion për mua, FC Basel!”, ka deklaruar ai, por pas çdo fjale të Shaqiri tifozët vazhdonin me brohoritje.

Ai falënderoi menaxhmentin dhe presidentin e FCB, David Degen, ndërsa shtoi se klubi do të kthehet aty ku e ka vendin.  Më pas, Shaq përshëndeti sërish fansat të paktën përkohësisht, ndërsa bëri disa foto me disa nga ta. Klubi ka planifikuar një seancë për autografe, ndërsa fanella e tij me numrin 10-të po del të jetë më e shitura në ditët e fundit.

---