Sistemi pensional kroat, para kolapsit

Sistemi pensional kroat është para kolapsit, sepse është barazuar gati numri i të punësuarve dhe i pensionistëve, edhe për shkak të tendencave të këqija demografike.

Kroacia aktualisht ka të punësuar më pak se 1.3 milionë njerëz.

Pensionet për shkak të kushteve të pafavorshme të punëtorëve dhe pensionistëve financohen kryesisht nga buxheti, nga e cila vitin e kaluar për këtë dedikim është paguar pothuajse më shumë se gjysma e fondeve të nevojshme.

Për shkak të tendencave të këqija demografike që nga 2002 kanë filluar reformat e sistemit të pensioneve, që synon krijimin e mjeteve personale në bazë të të cilave do të paguhen pensionet e ardhshme, transmetojnë mediat kroate.

Kritikët e fondeve të pensioneve private besojnë se mjetet duhet të transferohen në buxhet, ngase edhe ashtu shumica e parave të akumuluara janë investuar në bono qeveritare, apo janë huazuar nga shteti.