Emigranti i ri në Hungari: “Po na trajtojnë si kafshë”

Bleron Olluri, një i ri 18 vjeçar nga Lipjani ka 23 ditë që po qëndron i mbyllur në burgun e Nyirbatorit në Hungari. Bashkë me të janë rreth 50 kosovarë të tjerë, tregon Bleroni.

Ata kanë një trajtim të keq nga gardianët e burgut. Gjatë tërë ditës qëndrojnë të mbyllur, ndërsa kanë vetëm një orë mundësi të dalin në oborr i cili është i rrethuar. Bleroni rrëfen se në këtë burg ka edhe të sëmurë dhe ata nuk marrin trajtim mjekësorë, shkruan gazetaexpress. Ky i ri ka kontaktuar edhe me ambasadën e Kosovës në Hungari, por sipas tij ata nuk i kanë dalë në ndihmë dhe nuk kanë qenë në gjendje as t’u a dëgjojnë vuajtjet dhe mundimet qe po i kalon ai me kosovarët e tjerë në këtë burg. Këta të burgosur tash 2 ditë janë në grevë.

Sipas Bleronit ata fyhen e shahen çdo ditë nga rojat e burgut. Në këtë burg thotë ai, ka pasur edhe familjarë, gra e fëmijë, shumica janë larguar por beson se kanë mbetur edhe disa familje.