Sulmohet me grushte kryetari Bahtiri

Agim Bahtiri, kryetari i Mitrovicës, ishte sulmuar nga një 25 vjeçar, i cili kishte shkuar në komunë për të kërkuar punë. Sulmuesi është arrestuar nga Policia

Kryetari i Mitrovicës, Agim Bahtiri është sulmuar me grushte gjatë kohës kur po kryente detyrën në komunë. Ai është sulmuar nga një 25 vjeçar, i cili kishte shkuar për të kërkuar punë, ndërsa pas kishte sulmuar kryetarin, ishte arrestuar nga Policia e Kosovës. Lajmin e ka konfirmuar zëdhënësi i Komunës së Mitrovicës, Hysni Syla.

Ngjarje, siç ka thënë ai, ka ndodhur rreth orës 15:00. Sulmuesi tani është arrestuar nga policia, ndërsa kryetari Bahtiri ka ndërprerë agjendën e tij në Prishtinë si pasoj e këtij incidenti.

“Ka qenë diku ora rreth 15:00, kur kryetari Bahtiri ka dalë nga zyra e tij për t’u nisur në drejtim të Prishtinë ku kishte një takim pune. Me të dalë, një qytetarë e ka ndalë dhe i ka kërkuar takim. Kryetari Bahtiri i ka thënë se nuk ka problem, vetëm leje numrin e telefoni në sekretari…Kryetari Bahtiri është nisur shkallëve te poshtë për të dalë nga Komuna, ndërsa në atë moment qytetari ka reaguar dhe e ka qëlluar nga pas me grushte”, tha Syla.

Më vonë është bërë me dije identiteti i sulmuesit. Ai është 25 vjeçari Adem Dibrani, i cili pasi që nuk është ndarë i kënaqur me përgjigjen e kryetarit Bahtiri. “Pse nuk po më punëson” thuhet t’i jetë drejtuar Dibrani, kryetarit Bahtiri, të cilin më pas e grushtuar.

Bahtiri nuk ka pësuar lëndime të rënda mirëpo që për shkak të incidentit është detyruar ta anuloj takimin e punës. Ndryshe, Bahtiri ka ardhur në krye të komunës duke premtuar mijëra vende të reja punë në Mitrovicë. Tanimë kanë kaluar një vjet e gjysmë nga zgjedhjet, dhe punësimi mbetet aty ku ka qenë në vitin 2013.