Rrjeti i Bizneseve të Diasporës Shqiptare në Zvicër nis përgatitjet për zgjedhjen e kryesisë së re në janar 2025

Foto: Rromir Imami

Rrjeti i Bizneseve të Diasporës Shqiptare po hyn në një fazë të rëndësishme të organizimit të brendshëm, duke bërë përgatitjet e fundit për zgjedhjen e kryesisë së re, që do të mbahet në muajin janar 2025.

Ky proces synon të forcojë strukturën dhe vizionin e organizatës, për të vazhduar mbështetjen ndaj sipërmarrjeve shqiptare në diasporë dhe përtej.

Kështu tha Presidenti i Bordit të Rrjetit të Bizneseve të Diasporës Shqiptare në Zvicër, Fehmi Fetahi në një takim me kryesinë aktuale të kësaj organizate.

Sipas tij, zgjedhjet e ardhshme për kryesinë e re pritet të sjellin një frymë të re inovacioni dhe bashkëpunimi, duke u fokusuar në nxitjen e investimeve, përmirësimin e rrjeteve të komunikimit mes bizneseve dhe promovimin e projekteve strategjike që mbështesin zhvillimin ekonomik të komunitetit shqiptar në diasporë.»

Gjatë këtij takimi është biseduar për organizimin e vizitave nëpër biznese, që janë anëtare të Rrjetit, për të diskutuar mbi prioritetet dhe sfidat që duhet të adresohen.

Po ashtu për angazhimin e anëtarëve të rrjetit. «Po bëhen përpjekje për të rritur përfshirjen e anëtarëve në procesin vendimmarrës.», tha Fetahi

Ky hap dëshmon angazhimin e Rrjetit për të qenë një urë lidhëse mes bizneseve shqiptare dhe tregjeve globale, duke ndërtuar një komunitet më të fuqishëm dhe të unifikuar.

Kryesisë së Rrjetit i është bashkuar edhe Dorina Karanfili një sipërmarrëse e suksesshme nga qyteti I Bazelit.

Përveç kësaj, zgjedhjet e reja pritet të reflektojnë një vizion afatgjatë, duke përfshirë të rinjtë dhe gratë në drejtimin e organizatës.