Zvicër: Dardanët presin përkrahjen e bashkatdhetarëve

Kombëtarja e Kosovës, në Zvicër

Nga ora 19:30, Kosova në basketboll sonte do të ketë njërën nga ndeshjet më të rëndësishme, përcjell albinfo.ch.

Dardanët përballen në Bernë, ku presin përkrahjen nga bashkatdhetarët për ndeshjen ndaj Zvicrës, që është lidere e Grupit A të parakualifikimeve evropiane për Kupën e Botës 2027.

Zvicra ka dy fitore, ndërsa Kosova një fitore e një humbje. Vendasit në renditjen e FIBA-s janë në vendin e 61-të, kurse të 32-tin në Evropë. Kosova është në vendin e 74-të në botë dhe të 35-tin në Evropë.

Në vitin 2023, këto dy kombëtare u përballën dy herë, ku Kosova triumfoi dy herë.

Në Prizren fitoi 76:49, derisa në Fribourg 72:76.

Pas Zvicrës, Kosova do të ndeshet me Irlandën më 24 nëntor në Dublin.

Ndërkohë, Kosova ndeshjet e fundit i zhvillon në shkurt të vitit të ardhshëm si vendëse ndaj Zvicrës dhe Azerbajxhanit.

---