Diaspora shqiptare të ndihmojë vendet e origjinës

Shtetet e Bashkuara të Amerikës ka një potencial të madh intelektual dhe financiar që mund të ndikojë pozitivisht në vendet e origjinës

Si mund të angazhohet komuniteti shqiptar në Shtetet e Bashkuara për të ndihmuar vendet e tyre të origjinës?

Kësaj pyetjeje ka bërë përpjekje t’i përgjigjet Qendra për Zhvillim Ndërkombëtar pranë Universitetit të Harvardit, me anë të një ankete që ka realizuar me afro 900 shqiptaro-amerikanë.

Projekti që është krijuar me mbështetje edhe të qeverisë shqiptare ka dhënë disa rezultate interesante.

Kryetari i Grupit të Diasporës në Washington, Ermal Vila, thotë se anketa tregon se në Shtetet e Bashkuara të Amerikës ka një potencial të madh intelektual dhe financiar që mund të ndikojë pozitivisht në vendet e origjinës.

Në një bisedë me Zërin e Amerikës, Vila thekson nevojën për të hapur një dialog mes autoriteteve përkatëse në vendet e Ballkanit dhe përfaqësuesve të diasporës për të gjetur rrugët më të mira të bashkëpunimit dhe shfrytëzimit të këtij potenciali në të mirë të të dyja palëve.