19 kandidatë shqiptarë për zgjedhjet në Gjenevë

Kandidatët shqiptarozviceranë janë të shpërndarë në shumicën e komunave dhe në pothuaj të gjitha partitë

Sot në qytetin e Gjenevës dhe në komunat tjera të Kantonit po mbahen zgjedhjet për qeveritë dhe për asambletë komunale përkatëse.

Në këto zgjedhje, sa i përket garës për asamble, po marrin pjesë edhe një numër i konsiderueshëm i shqiptarëve. Është për t`u theksuar se kandidatët shqiptarozviceranë janë të shpërndarë në shumë nga  komunat dhe në pothuaj të gjitha partitë.

albinfo.ch ka përcjellë në vazhdimësi kandidimin e shqiptarozviceranëve për zgedhjet e Gjenevës dhe me disa prej tyre ka zhvilluar edhe intervista në të cilat ata kanë shpalosur vizionin e tyre politik.

Kështu, për Partinë e Gjelbër (Les Verts) kandidojnë: Magbule Topallaj (Gjenevë) Arta Kryeziu-Osmani (Meyrin ), Hanumsha Qerkini (Gjenevë ), Mevlide Malaj (Meyrin ) dhe Granit Metushi (Vernier ). Për Partinë Socialdemokrate (PS) në garë kanë hyrë: Gëzim Ilazi (Vernier), Rexhai Xheladini (Vernier), Ismet Kurteshi (Onex), Valdete Sopi-Abdullahu (Vernier), Leutrim Hebibi (Vernier), Hysri Halimi (Meyrin). Për Partinë Demokristiane (PDC) ka po ashtu një numër kandidatësh, si: Sami Gashi (Gjenevë), Uran Shabani (Lancy), Muharrem Ahmeti (Vernier) dhe Mentor Shala (Vernier). Ndërsa Rabije Veseli është e vetmja shqiptare që kandidon për lëvizjen qytetare të djathtë MCD, për komunën Vernier.

Rezultatet e para do të bëhen të ditura në orët e pasdites dhe albinfo.ch do të ju mbajë të informuar.