Rritet korrupsioni edhe në Austri 

pixaby

Ndërsa Zvicra është në vendin e pestë (nga 180 shtete) në “Indeksin e Perceptimit të Korrupsionit” të publikuar të martën nga një grup mbikëqyrës Transparency International, Austria ka shënuar ngritje të korrupsionit dhe kësisoj ulje në renditjen vjetore, transmeton albinfo.at.

Austria është renditur në vendin e 25-të, ndërsa Zvicra është përpara fqinjëve Gjermani (vendi i 15-të), Italisë (54), si dhe Francës dhe Austrisë.

https://www.transparency.org/en/cpi/2024

Organizata konstatoi se mangësitë mbeten.

“Nevojiten masa urgjente veçanërisht në lidhje me menaxhimin e konflikteve të interesit në të gjitha nivelet federale dhe rregullimin e lobimit,” tha Transparency International.

Gjithashtu në një listë ‘për të bërë’: “Lufta kundër pastrimit të parave, korrupsionit në sektorin privat dhe ndjekjes penale të kompanive.”

Indeksi i Perceptimit të Korrupsionit i Transparency International mat perceptimet e korrupsionit në sektorin publik në 180 vende çdo vit. Raporti tregon se në vitin 2024, korrupsioni mbetet një plagë e përhapur në mbarë botën. Më shumë se dy të tretat e vendeve të anketuara nuk arrijnë as 50 pikë nga 100 të mundshme. Mesatarja është ende 43 pikë. Sudani i Jugut është në vendin e fundit, ndërsa Danimarka mbetet në krye.