Manfred Schmidt: Kosovarët nuk kanë arsye për azil

Kryetari i Zyrës Federale për Migracion dhe Refugjatë, Manfred Schmidt, për shkak të kërkesave të mëdha për azil nga Kosova dhe Shqipëria ka kërkuar që këto shtete të deklarohen si vende të sigurta të prejardhjes.

“Nuk ka ndjekje sistematike dhe në këtë mënyrë nuk kanë arsye për azil”, ka thënë Schmidt për “Suddeutschen Zeitung”, transmeton albinfo.ch.

Numri i azilkërkuesve në fillim të vitit kishte rritje të ndjeshme. Kohët e fundit numri i tyre ka shënuar përsëri rënie të konsiderueshme. Aplikimet për azil refuzohen me ndonjë përjashtim, për shkak se kosovarët nuk shihen si të përndjekur politikë.