Shqipëria hap arkivat e policisë së fshehtë

Shqipëria po përgatitet për rishikimin e historisë: arkivat e policisë së fshehtë do të hapen për publikun.

Parlamenti shqiptar vendosi hapjen e arkivave të policisë së fshehtë komuniste. Kush është survejuar nga “Sigurimi” i frikshëm ose kush ka bashkëpunuar m e “Sigurimin” do të mund të shihet nduke pasur qasje në akte.

Një komitet pesëanëtarësh do të vendosë për secilin rast veç e veç dhe do të lëshojë edhe vendime mbi pastërtinë e nëpunësve shtetërorë apo për ata që do të kenë të drejtë të kandidohen në zgjedhje. Të drejtë qasjeje do të kenë edhe institucionet.

Çdo i pesti spiun

Sipas vlerësimeve të pakonfirmuara, që nga vitit 1944 20% e të gjithë shqiptarëve kanë bashkëpunuar me policinë e fshehtë. Sipas qarqeve të shërbimeve të fshehta policore të vendeve perëndimore për “Sigurimin” do të kenë punuar deri në 10’000 njerëz.

Pas rrëzimit të komunizmit në fillim të viteve të 90-ta policia e fshehtë u shpërbë. Një pjesë e mirë e akteve të tij u shkatërrua.
Gjatë kohës së komunizmit u vranë së paku 7000 opozitarë, më shumë se 100’000 u dërguan në kampe pune.
(Nga gjermanishtja: Nexhmedin Gërguri)