Dyfishohet numri i azilkërkuesve, shumica nga Shqipëria dhe Kosova

Në katër muajt e parë të këtij viti numri i kërkesave të azilkërkuesve në krahasim me 2014-ën është dyfishuar në Gjermani.

Në periudhën janar-prill janë paraqitur pothuajse 100.800 njerëz që kanë bërë kërkesa për azil, bën të ditur Zyra Federale Gjermane për Migracionin.

Gati gjysma e të gjitha kërkesave erdhën nga Shqipëria, Kosova, Serbia, Maqedonia, Bosnjë e Hercegovina dhe Mali i Zi.

Shkalla e miratimit të azilit për këto vende është nën 1%.

Në prill 24.500 njerëz kërkuan azil. Një rritje prej 140 për qind në krahasim me muajin mars.

Vendet kryesore të origjinës janë Shqipëria, Kosova dhe Siria.