Bashkëpunim policor, Kosovë- Gjermani

Për nder të vizitës së delegacionit gjerman, Akademia organizoi paradën me kadetët e gjeneratës së 52 të Policisë së Kosovës.

Zëvendëspresidenti i Universitetit Policor Gjerman nga qyteti Munster, Gerd Thielmann, së bashku me një delegacion nga Republika e Gjermanisë, vizituan të hënën Akademinë e Kosovës për Siguri Publike (AKPP). Ata u pritën nga drejtori i Akademisë, Ismail Smakiqi.

Qëllimi i kësaj vizite ishte krijimi i bashkëpunimit dhe shkëmbimi i përvojave mes Universiteti Policor Gjerman dhe Akademisë së Kosovës për Siguri Publike. Për nder të vizitës së delegacionit gjerman, Akademia organizoi paradën me kadetët e gjeneratës së 52 të Policisë së Kosovës.

Smakiqi vlerësoi lart vizitën e delegacionit gjerman duke thënë se vizitat e tilla janë një përkrahje e madhe për Akademinë dhe një inspirim për kadetët që ta përfundojnë më sukses trajnimin e tyre bazik. Para kadetëve të gjeneratës së 52, foli edhe zëvendës presidenti i Universitetit Policor nga Munster i Gjermanisë, Gerd Thielmann.