Nxënësit zviceranë japin shfaqjen “Shqip për fillestarë”

„Shqip për fillestarë”, këtë titull e mban shfaqja teatrore e luajtur nga të rinj zviceran nxënës të një shkolle në Oberwynental të Kantonit Aargau. Shfaqja ndonëse nga titulli mund të duket ndryshe ka një sfond tejet serioz. Ajo bën fjalë për integrimin dhe mënyrën se si ndjehet një grup etnik në gjirin e një kulture të një vendi tjetër.

Ky grup, u mor vesh, janë shqiptarët, të cilët në Obewynental sikurse edhe gjetiu në Zvicër, përbejnë një numër të konsiderueshëm të banorëve.

Grupi i angazhuar i nxënësve të shkollës së qarkut Homberg nën drejtimin e Manfred Stenz ka përgatitur një prodhim teatror me temën e integrimit, shkruan aargauerzeitung.ch.

Shfaqja është dhënë të enjten mbrëma në kuadrin e “Forumit”, një aktivitet që zhvillohet një herë në vit nga rrjeti për integrim në Oberwynental, transmeton albinfo.ch.

Ky rrjet vepron prej 15 vitesh dhe në fokus ka integrimin. Me këtë rast me integrimin e shqiptarëve në regjion. Kur jemi te shqiptarët, rrjeti ka arritur të sjellë prindërit shqiptarë në takimet e organizuara enkas për ta, shkruan gazeta.