Zvicër: Kërkohet të mbrohen paratë e gatshme

(KEYSTONE/Christian Beutler)

Edhe pse duam të sigurohemi që paratë e gatshme nuk do të zhduken, ne nuk do t’i përdorim ato.

Iniciativa “Paratë janë Liri” mblodhi 137.000 nënshkrime për të mbrojtur përdorimin e parave të gatshme në Kushtetutë. Pritet që Parlamenti të bjerë dakord, transmeton albinfo.ch.

Por prapëseprapë, tani ka shumë më tepër gjasa të përdorim pagesat elektronike. Banka Kombëtare Zvicerane thotë se përdorimi i parave të gatshme po bie ndjeshëm.

Në vitin 2017, paratë e gatshme u përdorën në 70% të transaksioneve, por vitin e kaluar kjo shifër ra në vetëm 30%.