Protestuesit parandaluan dëbimin e familjes shqiptare

Foto :wn.de

Mbi 20 protestues të hënën nga ora 3 e mëngjesit në qytetin Calbe të Gjermanisë kishin bllokuar hyrjen e shtëpisë, ku ishin vendosur prindërit dhe vajza 3-vjeçare shqiptare, të cilët muaj më parë kishin bërë kërkesë për azil. Protestuesit për orë të tëra kanë qëndruar aty, derisa kanë parandaluar dëbimin e familjes shqiptare nga Gjermania, raporton“volkstimme.de”, transmeton albinfo.ch.

Protestuesit ishin ankuar tek autoritetet gjermane për dëbimin e kësaj familjeje, për shkak se gruaja shqiptare ishte në muajin e shtatë të shtatzënisë dhe gjendja e saj shëndetësore nuk ishte shumë e mirë.

Megjithëkëtë, familja shqiptare mbetet në ankth, ngase autoritetet i kanë paralajmëruar se datën e re për dëbimin e tyre nga Gjermania do ta marrin shumë shpejt.
Në shumë vende të Gjermanisë kohët e fundit po organizohen grupe protestuesish, të cilët mundohen të parandalojnë depërtimin e shqiptarëve në vendet e tyre, por jo shpesh arrijnë të kenë sukses, njofton albinfo.ch.
Vetëm gjatë ditës së sotme nga Gjermania është paralajmëruar të deportohen për në Kosovë mbi 240 azilkërkues.