BE-ja nuk i pranon refugjatët nga Zvicra

Sistemi Dublin nuk punon si duhet me Zvicrën. Riatdhesimi në vendet fqinje evropiane ka dështuar me mosgatishmërinë e shteteve mike.

Gati 15 mijë azilkërkues në Zvicër më 2014 ishte planifikuar të riatdhesohen në vendet e tjera evropiane. Por, gatishmëria e shteteve anëtare për të pranuar azilkërkuesit ishte aq vogël si kurrë më parë. Vetëm 2638 refugjatë mund të zhvendosen në vendet e tjera evropiane, raporton “NZZ am Sonntag”.

Pëqindja e riatdhesimit  në raport me kërkesat raportohet të jetë vetëm 17.7 për qind. Më 2013 përqindja ishte ende në 43 për qind. Shifrat vijnë nga një raport nga ana e Departamentit Federal të Drejtësisë dhe Policisë (FDJP).

Arsyeja kryesore për këtë zhvillim qëndron në Itali.  Atje në vitin 2014 përfunduan 170 mijë refugjatë nga Afrika e Veriut. Shumë prej tyre kanë udhëtuar për në Zvicër dhe në vende të tjera evropiane pa asnjë evidentim  nga autoritetet italiane.

Mbledhja e të dhënave biometrike të azilkërkuesve është e detyrueshme sipas Marrëveshjes së Dublinit dhe është konsideruar si dëshmi e sigurt e një personi që kërkon azil për herë të parë në vendin përkatës dhe mund të riatdhesohet në vendin tjetër.

Azilkërkuesit, të cilët aktualisht kanë hyrë në vend nga pikë kalimi kufitar  Ticino, pjesa më e madhe nuk ishin regjistruar nga Italia.